A CUNBA Pretendente: Gh'àivu 'na bèlla cunba ch'a l'é xœaa fœa de ca, gianca cumm'a neje ch'a dezléngue ou cian d'a sâ. Côu: Duv'a l'é, duv'a l'é, duv'a l'é... Pret.: che l'han vusciŷa vedde cegâ l'âe à stu cazâ, speita cumme l'ægua ch'a derŷa zy pou riâ. Côu: Nu ghe n'é, nu ghe n'é, nu ghe n'é... Puæ: Câu u mæ zuënottu ve porta mîga 'na zmangiaxun, che se cuscí fîse puriêsci anàvene 'n gatixun. Côu: Nu ghe n'é, nu ghe n'é, nu ghe n'é... Pret.: Vêgnu daa ca d'u rattu che u magun u zlîga i pê. Puæ: Chí de cunbe d'âtri nu n'é vegnŷe, nu se n'é pösæ. Pret.: Vêgnu cuu cœ marottu de'na pasciun che nu ghe n'é, nu ghe n'é. Puæ: Chi gh'é 'na cunba gianca ch'a nu l'é a vostra, ch'a l'é a mæ. Côu: Nu ghe n'é, d'âtri nu ghe n'é, nu ghe n'é... A l'é xuaa a l'é xuaa a cunba gianca, a l'é xuaa a l'é xuaa ou cian d'a sâ. A l'é xuaa a l'é xuaa a cunba gianca, de nœtte a l'é xuaa ou cian d'u pan. Pret.: Vuî nu vuriêsci dâmela sta cunba da maiâ, gianca cumm'a neje ch'a dezléngue 'nt'u riâ. Côu: Nu ghe n'é, nu ghe n'é... Puæ: Miæ che sta cunba bèlla a sta de lungu à barbacîu che nu m'a posse vedde à scrichî 'nte n'âtru nîu. Côu: Nu ghe n'é, nu ghe n'é... Pret: A tegniô à dindanâse sutt'à'n angiòu de meigranaa, cuâ cŷa ch'u l'ha d'a sæa a man lingêa d'u banbaxâ. Côu: Duv'a l'é, duve duv'a l'é, duv'a l'é... Puæ: Zuênu ch'ei ben parlòu 'nte sta seiann-a de frevâ, Pret.: A tegniô à dindanâse sutt'à'n angiòu de meigranaa, Puæ: sei che sta cunba à mazzu a xœa daa mæ 'nt'a vostra ca, Pret.: cuâ cŷa ch'u l'ha d'a sæa a man lingêa d'u banbaxâ Côu: Nu ghe n'é d'âtri nu ghe n'é, nu ghe n'é... A l'é xuaa, a l'é xuaa a cunba gianca, de nœtte a l'é xuaa ou cian d'a sâ. A truvian, a truvian a cunba gianca, de mazzu a truvian ou cian d'u pan. Duv'a l'é duv'a l'é ch'a ne s'ascunde, se maiâ, se maiâ ou cian d'u pan. Cumm'a l'é cumm'a l'é, l'é cumm'a neje ch'a ven zy dezlenguaa dou riâ. A l'é xuaa a l'é xuaa a cunba gianca, de mazzu a truvian ou cian da sâ. Duv'a l'é duv'a l'é ch'a ne s'ascunde, se maiâ se maiâ ou cian d'u pan. Cunba cunbetta beccu de sæa, serva à strigiun cuu maju 'n giandun. Martin u va à pê cun l'âze derê, fœgu de légne, ànnime in çê. Cunba cunbetta beccu de sæa, serva à strigiun cuu maju 'n giandun. Martin u va à pê cun l'âze derê, fœgu de légne, ànnime in çê.